رجعت من اسكندرية حبيبتى و قاعدة قدام الجهاز مش لاقية حاجة أعملها و لا أكتبها قلت فى بالى ما أنا لسة قدام تاجين ما أحطهم
و آدى التاج الأول من سلمى هانم متغيرة شوية
هل تسعد عندما يمرر لك احدهم تاج؟
آه ساعات بيبقى فى تاجات لطيفة و ساعات بتبقى فى تاجات تخنق ... ده على التاج لكن على الشخصية فباحب كده عادى
هل مقدار سعادتك أو شعورك ايا كان- عند تمرير التاج لك يختلف حسب المدون الذي يمرر لك التاج؟
أكيد
هل تستمتع عند إجابتك عن أسئلة التاج؟
على حسب مدى رخامة التاج
هل ترى للتاج أهمية حقيقية؟
أيون ... لإنه بيقرب الناس من بعضها .. الناس اللى مش تشوف بعض غير على المدونة
هل فكرت في عمل تاج خاص لك من قبل؟
فكرت فى مرة إنى أعمل بس ماعرفتش أكتب أى سؤال :)
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟
لو حد يهمنى أو حد أنا بأقراله عموما يبقى اقرا التاجات عنده
عندما ترد على التاج ما الذي تراعيه اكثر؟
الأمانة فى الإجابة ... يعنى ما احاولش أحسن من نفسى ... أنا كده شايفة نفسى كويسة
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟
أكيد باحرص و إلا ماكنتش مررته ... و مفيش مشاكل لو إدراكى اتغير ما أنا بعتاه أساسا علشان أعرفهم أكتر
هل تلتزم حرفيا بأسئلة التاج؟
لو على حسب فهمى للسؤال يبقى آه
ما هي نوعية التاجات التي تفضلها؟
مش عارفة بالظبط بس باحب التاجات الخفيفة اللطيفة
إلى من تحرص على تمرير التاج؟
الناس اللى باحبهم و قريبين منى ... أو مثلا باحاول إنى اتعود عليهم
ندخل على بتاع شيماء واحدة من الناس
أحب شخص لقلبك في الدنيا؟
مش حد واحد ... كتير أوى من أهلى و صحابى و حتى من المشاهير ( يعنى أحمد توفيق مثلا اللى باتمنى لو كان قريبى بأى وسيلة )
إنسان مستعد تضحي بحياتك - ركز فى كلمة حياتك - عشانه؟
بجد مش عارفة يعنى ممكن دلوقتى لو قلت مامتى و حصل موقف ما كان يستدعى كده تلاقينى بلمت و اذبهليت .... وممكن لو حد ما اعرفوش أساسا بس تلاقينى اتحركت بسرعة ... يعنى على حسب سرعة رد فعلى
إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي
غليل قلبك؟
أى حد ظالم و بالذات لو كان حاكم بيتحكم فى شعبه و باقى الشعوب أكنهم عرايس ماريونيت
ما هو:اسم أجمل كتاب كتبه بشر قرأته ومحتفظ به حتى الان؟
امممممم ... مش فاكرة يمكن ثلاثية إيجور فى سلسلة ما وراء الطبيعة لأحمد خالد توفيق
اسم كتاب - كتبه بشر برضه - انت متعلق بيه وبتقرأه كل فترة؟
اى حاجة كتبها أحمد خالد توفيق
أهم جهاز منزلى أنت متعلق بيه أو بتستخدمه كتير؟
الكمبيوتر عامة و فى الصيف المروحة
شيء تحس بالراحة النفسية عندما تنظر إليه؟
السما
مكان تحس فيه بالحنين الى شيء لا تدرى ماهو و ذكريات جارفة الى لاشيء؟
البحر .. و يا سلام لو كان فى الشتا
مكان تحس بالراحة عندما تدخله؟
المسجد بتاع النادى
اجمل مدينة زرتها داخل مصر ؟
اسكندرية
نوع هاتفك المحمول؟
نوكيا مش فاكرة رقمه
سرعة بروسيسور جهازك؟
حقيقة لا أدرى
حجم ذاكرة -هارد- جهازك؟
80
المساحة التى تشغلها المواد الاسلامية على جهازك؟
مش عارفة
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
برضه مش عارفة
أهم هدف انت واضعه لحياتك الآن؟
إنى أكون مفيدة لى و للى حوالى ... مفيدة لبلدى و لدينى ... و مش عايزة أشتغل أى شغلانة و السلام ... لو ماكنتش حاجة مؤثرة يبقى بلاش منها
مواصفات فتى \فتاة الأحلام بالنسبة لك؟
امممم ... غير يحبنى و طيب و يخاف على و متدين :) ... عايزاه يكون فاهم دين و دنيا و سياسة و اجتماعى و فاهم شغله و شاطر فيه ... متفهم ... لازم يبقى له هواية و لازم يود أهله و يبقى له صحاب كويسين و يساعدنى فى تربية الولاد لو جبنا يعنى ... حاجات كتير أوى
صف ما يأتى:شعورك لما بتسمع كلمة مصر ؟
حتى دوشة صوت جيرانى ... و الزحام وحشونى تانى ....... دى أول حاجة جت فى بالى رغم إنى مش متغربة جسديا عن مصر ... بس نفسيا حسة إنى بعيدة أوى .. بعيدة أوى عن مصر اللى باقرا عنها فى القصص و نفسى أروح أطبطب عليها و أقولها معلش هنرجع لك حقك يا حبيبتى ما تزعليش
شعورك لما بتسمع كلام عن اليهود؟
مش عارفة ... إحساس ما يتوصفش
شعورك لما بتشوف ظابط شرطة؟
صراحة بابقى عايزة أتف عليهم ... ما قابلتش فى حياتى حد شرطة محترم إلا قلة قليلة جدا يتعدوا على صوابع الإيد الواحدة
شعورك لما بتشوف الكناس العجوز فى الطريق؟
قلبى بيتقطع
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بأقول ربنا يهديه بس يارب يكون متدين صح مش الشئ الغريب اللى طالعين فيه و بيسموه تدين
إحساس يراودك فى إشارة مرور مغلقة بسبب مسئول كبير؟
بادعى عليه و بأقول اللى يفهم يحوله إشارة مرور عند أول تقاطع ( حاجة شبه كده اتقالت فى رواية أن تكون عباس العبد لأحمد العايدى بس كان ساعتها بيقولها على حد تانى )
خلصت الحمد لله مخزون التاجات اللى كان عندى ... أحوله لشيماء طبعا و أكيد سوسكا ... و لأول مرة أتطفل على مهند لو عايز ياخده يتفضل :)
7 comments:
كل تاج وانتي طيبة
حقيقه الاتنين اول مره يعدوا عليا
بس بصراحه الاجابات كانت جميله جدا واحسن حاجه فعلا انك تجاوبي بصراحه
بالنسبه للدكتور احمد خالد انا عرفته عن طريق صاحبي الانتيم واخدت منه كام عدد بصراحه يستاهل الاعجاب
اتمنى ان ربنا يوفقك ويحققلك كل احلامك
انا اول تعليق
yes i made it
و حضرتك طيب لو عايز تدبس فهما الاتنين هدية منى ليك :)
شكرا كلك ذوق
د.أحمد خالد توفيق .. عايزة أكتب كلام كتير عنه بس الكتابة مش هتوفيه حقه
يارب و ليك انت كمان :)
احلى حاجة اني اول واحد و لحقت اول كرسي اهووو
و لوج كمان
----------------------
استعباط استعباط يعني
واضح انك بتموتي في د.احمد توفيق
بس هوا فعلا شخصية تستاهل اكتر من كدة
جميلة اجاباتك يا سايكو
حسيتك جدعة كدة و مبتحبيش الحال المايل
كل تاج و انتي طيبة
سلام مؤقت
السلام عليكم
اجاباتك كويسه
بس يعني ايه تدين ؟
شاه .. يا أهلا بيك و أنا فعلا باموت فى أحمد توفيق عنده كاريزما لامعقولة .. الله يخليك \ه بس من ذوقك و ماكنش أعرف إن إجابتى فيها ده كله :)
و أنت طيب و شكرا جدا لمرورك من هنا
مهند
و عليكم و الحمد لله
التدين اللى أنا أفهمه إنك ما تحرمش كل حاجة و مالكش الحق فى تكفير أى حد .. و الدين مش بس عبادات و لكن معاملة كويسة حتى مع الغير مسلم أو المسلم العاصى
يعنى كمثال بس علشان مساحة الرد ماتكونش طويلة حكاية إن الولاد يكلموا بنات .. ناس كتير قالت حرام و الاختلاط حرام ... لأ طبعا مش حرام بس له قواعد و حدود .. يعنى من غير مياعة و خلافه .. و لو الناس قرت قصص الأنبياء صح هتلاقى الموضوع ده .. فى كلام بس فى حدود الأدب و الشغل و الدين و العلم ... و ده كان مجرد مثال
شكرا يا مهند
مصر وحشاكى
تصدقى انا كمان بشتقلها تفتكرى لو بعدنا هنحس بغربه اكتر من كده مش عارفه
ربنا يرزقك بفتى أحلامك وحرام عليكى ظابط الشرطه فى منهم أكيد محترمين
مش عارفه ليه افتكرت أيام ما كنا بنسمع أسامه منير كان فى واحد مره بعتله بيقله أنا نفسى أحب وأتجوز بس مهنتى بتخلى الناس تفر منى:(
قطع قلبى
مرسى على التمرير ياستى مردودالك البوست الى جاى هارود ان شاء الله
سلام:)
Post a Comment