عشان ماحدش يجرؤ إنه يقول إنى كسلت العادة دى من أولها .. 10 حاجات اتعلمتها أو اكتشفتها الأسبوع اللى فات
الخضار المشوى بزيت الزيتون طعمه جميل جدا .. بس شرط إنه يتاكل وهو سخن وطازة
إنى طلعت باحب الفضة جدا
إنى لازم دايما أدّفى رجلى فى الشتا لإنها أول وأطول حاجة بتتجمد فىّ
إن دايما الخروجات اللى أنا باخططلها بتفشل فشل ذريع، قررت ماأخططش لخروجة من تانى
إنه -ويا للمفاجأة - الحاجات اللى اتعلمتها فى الكلية تساعدنى فى إنى أساعد حد محتاج يتعلم
إن العفو عند المقدرة شئ جميل، بس عمر اللى انكسر ما بيتصلح
إن أديداس مش غالية أوى مقارنة بـأكتيف اللى برضه غالى بس حاجته مش حلوة وبرضه غالية
إنى عرفت سبب (آخر) بس مهم جدا فى حدوتة أنا ليه مش مستحملة الشغل
إن السيكم طعمه أوحش بمراحل من البردقوش (العفركوش سابقا)
وأخيرا رقم 10 وأهم حاجة، إنى اتعلمت الأبجدية العبرية وبدأت أعرف اقراها :))
2 comments:
في عامي الأول في الجامعة ..
بدأت أخط مذكراتي .. عالماً ومتأكداً إنني أخط شيء لا يهم أحد سواي .
وكانت محاولاتي الأولي عبارة عن أسطر غير متصلة كتدوينتك هذه ..
بعد 4 سنوات من المواظبة ..
أكتشفت إنني كتبت 1200 صفحة ..
بعضها تحف فنية تستحق نوبل :D
خلاصة القصة : واظبي علي الكتابة ..
الميزة 11 بقى ان طلع دمك خفيف قوى ... واكيد دى ماكنتيش مخططة ليها فى اجندتك ... ربنا يوفقك اسلوبك جميل قوى ...
Post a Comment