النهاردة .. 1/12/2010 .. يكون عدّى علىّ سنة بالتمام والكمال فى الشغل .. مش قادرة اصدق كده أصلا .. سنة كاملة عدت حسيت بيها وما حسيتش .. حسيت بيها فى كل يوم باصرف فيها من فلوس مرتبى مش من مصروفى والحمد لله .. حسيت بيها لما باحاول اعمل فيها كبيرة وإنى إلى حد ما مسئولة عن اخواتى الصغيرين.. وحسيتها برضه فى كل يوم عيطته وانا عايزة أسيب الشغل ومش طايقاه .. حسيتها فى كل يوم باصحى من النوم بالعافية علشان مش عايز أروح الشغل .. حسيتها وانا باقول امتى يوم الخميس ييجى من قبل ما يوم الحد أصلا يبدأ .. حسيتها والناس اللى معايا فى الشغل برخامتهم الفوق الوصف ... حسيتها فى ناس أقل كلمة توصفهم إنهم فضوليين بغباء هدفهم فى الحياة بس إنهم يعرفوا انت بتعمل إيه حتى لو فعليا هم مش بيحبوك ... حسيتها فى ناس سخيفة ونفاقهم وابتساماتهم الصفرا
أنا علشان استحمل مكان مش باحبه .. لقيت الحل هو اللى عملته علشان أخلص من سنين الكلية .. إنى أدّى لنفس فترة زمنية أصبّر بيها نفسى .. يعنى فى الكلية كنت باقول كلها 5 سنين واخلص من الهم .. بس هنا هادّى لنفسى كام سنة؟؟ وبناءا على إيه؟ وياترى هاستحمل أصلا ؟؟؟
عن نفسى السنة دى غيرت فىّ وفى أخلاقى جدا .. بدأت من شعورى فى أوقات كتيرة جدا بالوحدة المريعة بسبب جواز صحابى الأسطورى .. حسيتها وانا مش طايقة اللى باعمله ولا طايقة اللى حواليا مهما كان .. حسيتها وانا نفسى مسدودة عن كل حاجة باحبها وباحب أعملها .. حسيتها وانا حسة بنفسى باتغير للأسوأ وأخلاقى بتتغير بالتدريج بسبب المحيط اللى قاعدة فيه .. حسيتها وانا بدأت اتعامل (بالذكاء الإجتماعى) إياه .. حسيتها وانا كل ما اقعد قعدة صفا مع النفس أحس بالقرف وادعى ربنا يخلصنى .. حسيتها وانا باقرر إنى هاسيب الشغل فى أقرب فرصة
وبرضه حسيتها .. فى هدف بدأت ملامحه تبان ويخلينى أتنازل مؤقتا عن قرار إنى أسيب الشغل وباخطو أول خطواتى فى الاتجاه ده .. حسيتها وانا باتعرف على ناس جديدة فى الشغل .. ناس مجنونة وناس نمطية وناس لذيذة وناس محترمة وعاقلة ..ناس أناكف فيهم ويناكفوا فىّ ونمارس على بعض جميع أنواع الرزالة ... بس فى المجمل الناس دى باحبها جدا .. ومبسوطة بوجودها فى حياتى مؤخرا .. لإنه من الآخر .. لو الناس دى مش موجودة فى حياتى .. ماكنتش استحملت أيامى فى الشغل
7 comments:
كل سنه وانتى طيبه
بصى يا ستى
المثل البلجيكى بيقول حب ما تعمل..حتى تعمل ما تحب
بقالك سنه فى عملك ماشء الله يعنى ناجحه فيه
يبقى انتى بتحبيبه لكنى ممكن ملتيه
وبتحلمى باحسن منه
اصبى وابخثى وانتى فى مكانك
وانشاء الله ربنا هيوفقك
استمتعت جدا بكمك واسلوبك
ومستغرب انى مكتشفتش مدونتك من زمان
تحياتى
KLAMEEK RA2E33 WE WASFEEK ARWA333 YA YOTTA WE ANA M3A A7TRAMY EL SHEDEEEED TAB3AAN LEL BASHMOHNDESH AHMED BAS ANA MESH M3AAH TAMAMAAAN YEMKN L2NO MASHFSH ALY A7NA SHOFNAA WLY 7ANA AT3MLNA M3AAAH BAS DAAH MYMN3SH AN FEEH BRDO NAS KWYSAAA MWGODA WE TAYBEEN BAS LEL2SF MESH 2L23'LBYA HOMA 2L 2KLYAAA WL2NHA BE2AA WE WAST WE TABE3A MO7'TLFAA 360 DRGA 3AN 7YTNAAA TABE3YY YEKON DAH 27SASEEK WE KLAMEEK BEGAAD ILOVE YOUR WORDS YOTTTA SOOO MUCH ......;)ISA YARAAB NEW YEAR FULL OF HAPPINNES FINALLY C'EST LA VIE YA YOTTA ;);)
ana kman ra2ye en elmakan da bgd feh nas kwisa w msh 2olyeleen wla 7aga.. bs lelasaf enhom msh 3arfeen b3d w kman zrof elsho3'l bt5leky msh tet3amly 3'eer m3a elkam wa7ed elly m3aky f nfs elteam w bs 3lshan kda byfdalo shayfeen enhom aklya.
w kman fe 7aga et3alemtaha felmakan da en dayman mafesh amal w kman feh amal.. m3na kda en elwa7ed eza kan 3ayz 7aga lazm ye7awl aktar mn mara w yedo2 aktr mn bab wely feh el5eer isa ytm fel w2t bta3o zy ma rbna katbo lena
ama belnsba l a5er paragraph da msh e7sask enty lw7dk fe nas kteer 3ndaha el7sas da 3la el2a2al ana w7da mnhom,, w howa by3bar 3n goz2 kbeer mny ;)))
dodzzzzz
ممكن .. وانت طيب
أنا اسمع عن المثل ده وكنت فاكراه مصرى .. ما علينا :)
أنا فعليا باحاول أطبقه .. بس غصب عنى :)
بص هو كون إنى بقالى سنة فى الشغل مالهاش دعوة لا بالحب ولا بالشطارة .. الحكاية عملية بحتة .. أنا محتاجاه علشان محتاجة تشغل وقتى بتجيب فلوس .. وهو مايقدرش يمشينى لأسباب مش عارفة بقى قانونية ولا إيه .. مش معنى كده إنى مهملة فى الشغل .. بس ربنا بيسهلها ويسترها والحمد لله :)
ربنا يخليك على كلامك الحلو ... وعلى فكرة انت جيت عندى قبل كده وانا كمان جيت عندك .. بس الزمن بقى اللى بينسّى الناس :))
استمتعت بمرورك :)
دودز حبيبى أنا .. هو ممكن يكون معاكى حق وكده .. بس أنا دايما باحتاج تشجيع لإنى باهبط بسرعة جدا .. فدايما محتاجة زقة .. واللى يحب النبى يزق :))
فنون ... انا دلوقتى داخل على تلات سنين تقريبا
ومشاعرك اللى وصفتيها دى طبيعى
احنا مابنختارش جيراننا ولا قرايبنا ولا زمايلنا فى الشغل
احنا ممكن نختار أصدقاءنا .. شركاء حياتنا
فعشان كده .. طبيعى انك تقابلى كل الأصناف والأنواع البشرية الغريبة اللى بتقولى عليها
وبردو بتلاقى ناس كويسة ولذيذة وبيبقو لقطة انك تلاقيهم
موش قادر أوصف لك لما سيبت شركتى الأولانية وروحت شركة جديدة كان شعورى عامل ازاى
شركتى الأولانية الحمد لله ربنا بيحبنى وكان رازقنى بـ جروب مايتعوضش ابدا .. ناس صعب ألاقى زيهم تانى ... والحمد لله لحد دلوقتى ان علاقاتنا مستمرة و فى كل فترة و فى كل مناسبة بنتقابل ونتطمن ونتابع اخبار بعض
وقت ماروحت شركتى الجديدة لقيت أنواع من اللى بتقولى عليها دى .. وصدمت صدمة رهيبة عشان حسيت بالفرق والمقارنة بينهم وبين اللى كانو معايا الأول .. بس الحمد لله زى ماقلتى .. الواحد بيحاول بيحاول يتعلم الذكاء الاجتماعى وان كان صعب جداا
بس شوية بشوية ربنا بيوفق وبييسر
ربنا يوفقك ويسعدك دايما ان شاءالله
بخصوص الفترة الزمنية اللي تديها لنفسك ..
ممكن تصبري نفسك لو وصلتي لمبلغ معين .. تسيبي الشغل :D:D
=====
هو فيه فكرة جميلة تساعدك نفسياً .. ألا وهي إنك تدوري علي شغل تاني حتي لو مش حتتنقلي فعلياً .. لكن مجرد الشعور أنك عندك فرصة تانية بيديكي شعور لا نهائي بالثقة .. وانك علي كيف كيفك ..
تقدري تنقي وتفاضلي بين ده وده :)
Post a Comment