الكلمة فضلت معلقة فى دماغى فترة مش قادرة أعرف ليه .. حتى معناها كان مشوش إلى حد ما .. بس عمّالة أرددها بقالى كام يوم .. النهاردة مش عارفة إيه اللى خلاّنى أقلب فى البوستات القديمة اللى فى البلوج ده .. لقيتنى كنت رغاية بشكل لا يصدقه عقل بارغى فى كل حاجة وأى حاجة واللى ييجى على دماغى باكتبه .. 30 ألف موضوع فى البوست الواحد .. حتى الكومنتات اللى على البوست لقيتها بتعلق على نفس الموضوع ... ولقيتنى باقول هو ده ... spontaneous ... تلقائية .. عفوية .. أنا كنت كده جدا جدا .. بينما البوستات الأخيرة حسيتها مرتبة وعارفة هى عايزة إيه من دنيتها ... لقيتنى بابص فى مراية الحوض جامد أوى ... والسؤال طلع منى (تلقائى) ... هو أنا كبرت بجد وعقلت ولا إيييييييييييييييييه ؟؟
3 comments:
الحقيقة لا تدري أيهما أفضل ..
كثرة الكتابة المتسمة بالعفوية ..
أم قلتها المرتبطة بالتركيز والتدقيق فيما نكتب ..
عن نفسي أنا أفضل الثرثرة ..
نقل نفس المرء علي الورق أو علي صفحات الكومبيوتر أفضل كثيراً من عدم التنفيس ..
ويوماً ما حين تعيدي قراءة ما تخطيه ..
ستجدي إن خير ما كتبتيه .. هو ما ثرثرتي به لنفسك أو لأوراقك .. دون ترتيب أو تدقيق ..
موافقة جدا على كلامك معتز .. وإن كان برضه قليل كلامى هو ثرثرة .. بس فى أضيق الحدود :))
حمدلله بالسلامة :)
Post a Comment