امبارح ما كتبتش رغم إنى كنت ناوية أكتب .. واتضايقت إنى مادخلتش كتبت .. دلوقتى رغم إنى هلكانة وورايا حاجات كتير بس مصممة أكتب .. عايزة ألتزم ولو بحاجة صغيرة
النهاردة وانا رايحة الشغل فوجئت إن الراجل أخد من البنت اللى قاعدة جنبى راكبة من نفس المكان ورايحة نفس المكان 75 قرش .. يعنى أخد جنيه وردلها ربع .. بينما أنا اديتله جنيه وما ردليش حاجة .. الفكرة بقى دايما اللى بتعد تروح وتيجى فى دماغى فى المواقف اللى زى دى .. إنه أولا الربع جنيه ده حقى .. بما إن المشوار بـ75 بس وانا مدياله جنيه .. ثانيا إن قيمة الربع بالنسبة للأجرة الأصلية هى التلت يعنى نسبة مش بسيطة .. زائد إن لو الربع ده للسواق مش لىّ مش هيسيبنى طبعا غير لما ياخده .. ده من ناحية الحق والمستحق والقيمة الجوازية للربع الجنيه
بينما لو بصيت للقيمة الفعلية للربع جنيه بالاقيه ولا حاجة .. وانا ساعات كتير باركب تاكسى المشوار ده بياخد على الأقل 5 جنيه .. الربع جنيه فعليا ولا حاجة .. ومش باحس بنقص مثلا لو ما اخدتش الربع جنيه ده .. ولا فلوسى فى البنك هتكتر لما آخده .. بس باقول أنا لو سبت حقى فى الصغير يبقى مالومش على أى حد بيتسرق وساكت .. وبعدين أوقل ياختى اتلهى مانتى يوميا بتتسرقى .. ولا لما بتنزلى تشترى هدوم شوفى كمية الفلوس اللى بتترمى على الأرض
الرأيين دول دايما فى دماغى .. على الربع جنيه الحيران :s :s :s :s
1 comment:
b3'ad elnazar 3an elrob3 gneh kakeema ela eno 7a2ek w ana fe elmwakef ely zay dee ba3'do 3end bas fe eltba3 3lshan m7asesoosh eno 2edr yd7ak 3lia da ana ad7ak 3la 10 zaio
Post a Comment