لما صاحبة عمرى تتجوز .. لما صاحبتى اللى عشت معاها أهم سنين حياتى .. لما صاحبتى اللى عرفت حياتى معاها أكتر أحداث .. لما صاحبتى اللى حتة منى ما بنخبيش أى حاجة على بعض ..... تتجوز
آه فرحانة لها .. وآه طايرة ومبسوطة ... بس آه قلبى بيوجعنى .. حسة إن احنا هنبعد عن بعض كتير كتير .. بسبب البيت الجديد .. بسبب مسئولياتها الجديدة ... بسبب إن ده الطبيعى إنه يحصل .. بس أنا مش عايزة كده .. للأسف أصلا الفترة اللى فاتت رغم إن احنا آه كنا بنتكلم بس كان بيبقى كل فين وفين .. خبيت عليها حاجات كتير لإنى ماكنتش عايزة أشغلها وهى المشغولة بتجهيزات البيت والفرح .. ماكنتش باساعدها وماجتليش الفرصة إنى أساعدها ... بس كنت باسمعها ... ورغم كده حسيت إننا بعدنا اوى عن بعض .. وحشانى وحشانى وحشانى يا بت انتى
أكتر حاجة فرحتنى ... إنى كلمتها النهاردة .. كنت وصيتها فى الفرح مرتين أول ما ينفع أكلمها ترنلى وأنا أكلمها على طول .. كلمتها.. وحست إنى عايزة أديها حضن كبير أوى أوى أوى ... اللى عزّانى إنى عارفة الحمد لله إن جوزها بيحبها وهيحافظ عليها .. وإنه هيحاول على قد ما يقدر إنها ما تبعدش عننا أوى
ربنا يوفقكوا ويباركلكوا ... ويتمملك على خير يا تالتتنا :)
3 comments:
انا عارفة الاحساس ده كويس
بس مهما بعدتوا هتفضل فى حاجة حلوه بينكم مش هتروح
ربنا يتمملها بخير
شكرا يا رحيل .. الحمد لله .. يارب الحاجة حلوة دى ما تروحش أبدا وتتجدد دايما
شكرا ليكى :)
ana 3omry mhb3ed 3nek ya bet enty enty a7la 7aga 7saletly fe 7yaty bgad enty mb2eteesh number 2 b2a 3ndy etnen 1 bgad ana bamooooooooooooot feeky w isa hnefdal as7ab w fee 7gat kteeeeer mabena 7elwa 3omraha mahatmoot 3arfa ana lama 2ret elmwdoo3 3nia dama3et msh 3rfa lih bas et2sart.
bamoot feekyyyyyyyyyyy
Post a Comment