مش هاكتب أحسن من اللى كتبه محمد عن الرواية دى .. مجرد هأقول كلمتين فى السريع ... الرواية أنا طبعا جبتها لمجرد إن اسم أحمد خالد توفيق عليها .. الراجل ده فى نظرى من أهم الناس اللى الموجودين حاليا
ما أنكرش إنى لما جبتها كنت خايفة اقراها .. أحمد خالد توفيق أنا متعودة عليه فى قالب معين مش عارف لو خرج منه و كتب رواية هيبقى شكلها إيه .. أول صفحتين كده منها افتكرت إنى قريت منها حلقتين لما كانت بتتنشر فى الدستور فكلمت الفراية بقلب إلى حد ما جامد
الرواية حلوة بس كئيبة جدا بتمثل اللى هيكون عليه واقعنا فى المستقبل القريب.. أخد حاجات كتيرة موجودة فى حياتنا و شاف التطور الطبيعى لها و خلاها قصته..علشان كده طلعت كئيبة و ماكنش ينفع تطلع غير بالشكل ده.. علشان كده بانصح الناس اللى بتتأثر جامد أو حساسة زيادة عن اللزوم إنها ما تقرهاش
على فكرة و أنا باقراها ما حسيتش بأحمد خالد توفيق خالص .. ماكنتش روحه اكنه مش هو اللى كتبها .. يمكن لقيت الثقافة المعهودة فى الرواية لكنى ما لقتش السخرية فى الكلام المعتادة بتاعته و اكنه كفاية سخرية الموقف اللى الرواية فيه
"اعتقادى بأن هناك وعدا آخر .. ثمة شخص جمع الأوغاد و الخاملين و الأفاقين و فاقدى الهمة من أرجاء الأرض فى وطن قومى هو مصر .. لهذا لا تجد فى اليابان فاقد الهمة .. لهذا لا تجد فى ألمانيا وغدا .. لهذا لا تجد فى الأرجنتين أفاقا .. كلهم هنا يا صاحبى ."
6 comments:
فيه رابط ليها على النت ؟؟
انا السنة دى جربت اقرا سلسلة
www
قبل كدة كانت قراءاتى للدكتور مقتصرة على ماوراء الطبيعة و فانتازيا و مقالاته بس ليه الواحد ما يجربش حاجة تانية ليه
الراجل اسلوبه خرافى
لا كده مش هينفع
يعني انا دلوقتي هستلف منك ايه ولا ايه؟؟؟
اقولك .. هاتيهم كلهم وانا ابقى اجبلك مجلد ميكي من زمان قوي
اظنها مقايضه ومبادله زي الفل
سلامووووووووووووز
ASCASKDNSJENSAC
MSCFSDJVC X JDSNCLDKNVAIS VLKSNCDNB ZXJFDHNKSAM M DSJNC
mcdknvfjn lknv dsmdv jfdf vlsldkvn msf vjfn dsmbkdg blk
ض / خالد .. ما أظنش إن ليها رابط على النت لإنها لسة جديدة
******************
جيداء .. www بدأت اقراها من أول ما نزلت و دازمت على انى اجيبها لإن فكرتها عجبتنى .. لك مقالاته أجيبها منين .. بالصدفة لما بالاقيه فى الدستور . و معاكى كل حق فى إن أسلوبه خرافى
سوووو ...إيه الطعع ده هو أكل ما أقول على حاجة تقولى أستلـ .. إيه مجلد ميكى قديم ؟ من أيام دار الهلال يعنى؟ خلاص أوكى ماشى أنا موافقة على اللى انت بتقول عليه :)
******************************
أحمد رفعت .. للأسف لسة ماعرفش اللغة اللى كاتب بيها .. هاخد كورس فيها و أرد عليك على طول :)
Post a Comment