الامتحانات على الأبواب .. كلمة قبل كده كانت بتهزنى من جوايا لكن دلوقتى ما بقتش فارقة معايا .. طبعا من ساعة ما دخلت كلية فرجينيا جميلة الجميلات .. اللى جابت لى برود فظيع .. المهم رغم انى فعلا مش بتفرق معايا امتحانات و لا خلافه و كده كده مش باذاكر بذمة .. بس للأسف مضطرة انى ابعد عن البلوج لانى مش هاكون مركزة خالص و هابقى باظلمه لو فضلت معاه فى فترة الامتحانات لإنى أكيد هاظلمه و مش هاديه حقه .. فأنا باوعده إنى أخزن من أفكارى ( قال يعنى ) :) ... و لما اخلص أبقى أرجع تانى و ساعتها بقى هأبقى أخدت الإجازة و مش هيفلت منى ... بس ياريت أى حد يعدى من هنا يدعى لى و يدعى لكل ضحايا قسم العمارة فى جميع أنحاء المحروسة .. ده احنا مش بعيد نتجمع مرة كلنا و نألف كتاب عن طرق تعذيب دكاترة العمارة للطلبة و استخدامهم لوسائل غير مشروعة مما يؤثر على أعضاء الجسم من أهمها العمود الفقرى و الرقبة ... :)
سـلام مؤقت هيبقى شهر و نص كده و لا حاجة ... لإنى أكيد إن شاء الله راجعة تانى
6 comments:
لا لا تروحى وترجعى بالسلامة
واضح انك ناوية تعملى حاجة جامدة قوى
نممممممممسك الخشب
انا كمان عندى الموكوسة
الأمتحانات يعنى
بس موجود إن شاء الله مش عارف ليه
ربنا معاكى ومع كل إللى فى العمارة
السلام عليكم
ايه ده واقدرتى تقوليها هاتسبيه وتمشى بجد!!! بس لما ترجعى وتلقيه مشى مع واحده تانيه ماتبقيش تلومى غير نفسك:))))
هابقه أعدى من هنا كتير ربنا معاكى يارب ومعايا ومع ضحايا الإٌمتحانات كلهم بس ياريت الله يخليكى تحجزيلى بتاع ميت صفحه فى الكتاب بتاعكوا :))
سلام ياغاليه:)
اهو كاس وداير على كل الناس
صدقينى لما تتخرجى حتتمنى أيان الكلية ترجع
على العموم مش حتصدقى غير لما تعدى المرحلة دى
على كل حال كل دعواتى بالتوفيق لكى
تروح وترجعى بالسلامة ان شاء الله
همممممممممممممممم
ياه كل دة
انت باش مهلوس عمارة انا عارف
زميل يعنى
ربنا يكرمك يارب ابقى طمنى عليك
ابويا كان دايما يقولى
اللى ذاكر ذاكر
ده بعتبار انى مدكنة و مذاكرة
ههههههههههه
بالتوفيق ياللى واحشانى
Post a Comment