عارفين إعلانات Fair & Lovely و يلا حبى الحياة و حققى حلمك بإيدك ...الإعلان ده باشوفه بصورة شبه يومية لانه بييجى كتير جدا ... و بيستفزنى جدا جدا ... مش قادرة أفهم هو بيهدف لنوع جديد من العنصرية مثلا و نبذ كل واحدة سمرا لمجرد إنها سمرا ؟ مش عارفة تشتغل مذيعة لإنها سمرا و مش عارفة تكسب فى المسابقة لإنها سمرا و طبعا مش بيقبلوا بيها فى المحل كخبيرة لإنه ( خبيرة ؟؟! مع هيك بشرة ؟؟!!!...) ... بس طبعا أول ما تستخدم الكريم اللى بيفتح البشرة فى مش عارفة كام أسبوع أبواب الدنيا و المجد و الشهرة و النجاح بتتفتح قدامها و الناس كلها تحبها فحققت حلمها و حبت الحياة ، ده إيه التخريف ده ؟!!!! على كده أكتر من نص بنات العالم العربى يروحوا ينتحروا أحسن لهم ماداموا مش بيستخدموا الكريم لإنهم من الطبيعى إنهم مش هيعرفوا يحبوا حياتهم و لا يحققوا أى من آمالهم و هم سمر البشرة
بلا نيلة
5 comments:
هوا علشان احنا بس شعوب عربية ,,,فالسمار شئ طبيعى وكدة
واى واحدة حلوة وبيضاء وزى هطة الشقطة يا بوى بنجرى وراها جرى
مع ان دة هبل الى اقصى حد وهما بنفسهم بيدفعو الوفات علشان ياخدو اللون البرونزى او الخمرى الجميل ...
مع ان الصفاء ملهوش لون بشرة معين اصلا الجمال...من الروح لو روحك حلوة هاتبقى جميلة
لو ملكة جمال شاطئ العاج ووروح وحشة بردة مش هاتبقى جميلة
ومحدش يسال لية شاطئ العاج حقيقى ايها الشعب الهيال ومخرجى الاعلانات العظيمة اسمحو لى ان اقولها بملا فمى من فوق هذة السطور
اعزائى
بلا وكسة بجد
هههههههههه
لا انا اكتر حاجه بتغيظنى فى الاعلانات دى
انها اول ما بتبقى بشرتها فاتحه بيشوفها واحد و تلاقى فارس احلامها
غزالى .. أنا رغم اقتناعى ان السمار أجمل من البياض بش مش دى القضية انا مش بتفرق معايا لون البشرة أوى قد ما بتفرق الفكرة اللى بيروجوا لها هو انك يا تبقى بيضاء يا تعيشى و تموتى و انتى مالكيش قيمة فى الحياة و الكل يسخر منك،و زى ما قلت ناس كتيرة شكلها حلوةو روحها بتبقى وحشة فبتظهر على الوش و ساعتها لا هينفع فير آند لفلى و لا حتى كلوروكس ، نورت البلوج و .... اخدتها من على لسانى :)
_____________________________
ياسمين ... تلاقى فارس أحلامها او تبقى وجه سينمائى ساطع و ... شو عندك الساعة 4 ؟!
مفيش فايدة
إللى ربنا مضلم وشها ولا هينفع معاه فير اند لفلى ولا حتى بريل بتاع المواعين
ربنا ينور وجوهكن بنور الإيمان جميعا
:)
انتى شكلك كوده لا بهزر بس عندك حق تصدقى انا اول مرة الاحظ العنصرية دى على العموم العيب من البنات اللى بيجروا ورا الحاجات دى ,على العموم اللى عايزة تتجوز تخف شوية من الطلبات مش لازم الاوتوماتيك والبوتاجاز العشرين شعلة والتلاجة التمانين قدم خفوا شوية احنا مش لاقيين ولا عايزين كل الشباب يهج برة مصر؟
Post a Comment