مش هاتكلم على المعاملة الجميلة اللى بيشوفها الشعب من حكومته يوميا ... لكنى هاتكلم عن المعاملة اللطيفة اللى بيلاقيها الطلبة بتوع كليتنا المعظمة من دكاترتها الأفاضل .... رغم انى شايفة ان أصلا لو البلد عاملت شعبها صح الكلية هتعاملنا صح .. بس يلا مش مهم هاعمل نفسى مش واخدة بالى و قال يعنى الدكاترة بس هم اللى بيعاملونا وحش ... حد هيقولى ما هو فى كل الدنيا كده .. هأقول لاااااااااااااا و ألف لاااااااااااااااااا ... دكاترة عمارة فى كل حتة تحس كده ان سيماهم على وجوههم ... داخلين علشان يعذبوا الطلبة ... مش فارقة بقى رجالة ستات محجبات أو لأ من الكلية و لا منتدبين ... مش فارقة ... كل واحد همه حاجته و بس ... و يطلبوا منك حاجات النهاردة علشان تطبق و تعملها و تروح توديها بكرة يقولوا لك احنا كنا بنقول اعملوها علشان نفسكوا مش علشاننا ... و النبى إيه .... لأ لطاف فعلا ... يدونا امتحان آخر السنة فى حاجة ما اخدناهاش ... علشا ييجوا أول السنة اللى بعدها يشرحوا الحاجة دى .... طيب ليه الظرف من الأول ؟! ... أكيد الكلية ليها يومين اجازة زى باقى الدنيا ... بس لاننا عمارة يبقى أكيد شوية شوية اليومين دول مش بيقعدوا فى البيت .. يا اما فى الكلية يا اما فى المواقع يا اما فى المكتبات ( ده لو كانت فاتحة أصلا ) ... و المطلوب اننا نتقبله بصدر رحب ... رمضان جه و المفروض ان الواحد يحاول يحسن من نفسه و من أخلاقه و يختم القرآن ( ما هى الشياطين متسلسلة ) ... بس دكاترة الكلية أحرار .. رمضان هننزل فيه الحسين علشان التصميم و الكنايس علشان التاريخ ... طيب و ربنا ... نعبده امتى ؟
مش طالبة الكتير ... طالبة اننا نتعامل كبنى آدمين أو حتى كآلات ... لإن حتى الآلات احنا بنكون رحيمين بيها و بنفصلها علشان تستريح .. افصلوا عنا الكهربا و لو يومين ربنا يهديكوا
9 comments:
آه يا بنتى ... كنا مزنوقين فى ربع جنيه استلفناه منهم و مش عارفين نرده :(
قرينتي في الهم ... قوليلهم اد ايه احنا بنتبهدل احسن الناس دي مستغرية اننا ليه مش بنشقر عل البلوج بتاعنا ودايما مش فاضيين ..
يلا متأقلقيش ان شاء الله ربنا حيجازينا خبر باللي بيحصل فينا ده
دول حتي العشر الاواخر بيفكروا يخلو تسليم المشروع فيهم
كليات عايزة الحرق
انتو فعلا بتتبهدلوا جدا .. بس اتطمنى انتو بنى آدمين " المفروض يعنى "
و هم كمان بنى آدمين
الدنيا ايه يابت غير ناس بتقرف فى ناس و هكذا دواليك دواليك
كله بيعدى و المصحف
بس القضية انك ماتتعوديش تتنازلى أبدا و لا تفرطى فى آدميتك
حاولى تدلعى نفسك
اليوم اللى بيعدى بيطير و مش هتشوفى وشه تانى
m3lesh ya ayat 7ata lw elbalad de sa7 elkolia 3omraha mht3amelna sa7 l2en eldoctors ely feeha mo3kadeen nafsian dol m7tageen msa7a 3lshan y3amloona sa7. kemet eldektatoria w alt5alof mfeesh fe dma3'hom 3'er sothom w bas. wallahi e7na lw kona kelab shware3 s3rana kano 3tafo 3lina laken de kolia 2kal mn en yokal 3liha kolia wes5a.elmafrood en eldof3a mt2asema groups mn elsneen ely fato lih 7ad y2oly lih yfra2oona homa msh leehom en elsho3'l y5las w ytsalem?? malhom homa w mal om elgroup laken n2ool eh fe elgezam ely m7toota mkan 32ool eldkatra....... eldoctor mn dol y3od ytfazlek w 3ayz ytla3ak 3'ltan b2ay shakl w ay taree2a, ytla3 miteen ely 5lefook fe elba7s w elmashroo3 w fe elakher ydook dad geem yaretha ma2bool.......mhma 22olt msh h2dar a3bar 3an ely gwaia hia kelma ma7ad stahelha 3'erhom....TFOOOOOOOOOOOOOOOOOOOOOO
سمسمة سوسكا زميلة الكفاح ... بيتهئلى مهما قلنا عمرنا عمرنا ما هنقدر نعبر عن اللى بيحصلنا ... يمكن بتوع صيدلة بيتبهدلوا امتحانات .. يمكن بتوع طب بيتبهدلوا دراسة .. يمكن بتوع علوم بيتبهدلوا معامل و دراسة .. بس باحس ان بهدلتنا من نوع مختلف و خاص ... ربنا ما يورى أى حد يارب
يا حرة يا حبيبتى مفيش أجمد من الكلمة اللى قلتيها ( المفروض يعنى ) .. و الله لما باعوز آخد يوم اجازة على شوق أوى باخده و اللى يولع يولع بقى
دينا حبيبتى و صاحبتى من أيام ثانوى دخلنا الكلية دى سوا ... و ربنا أعلم بالقرف اللى بيحصلنا جوة الكلية ... يعنى غير حكاية المجاميع و مناخيرهم المحشورة فى كل حاجة دى ... لا مراعيين رمضان ... و لا مراعيين صحتنا اللى كل يوم فى النازل .. اللى اسمع انها بتعمل علاج طبيعى و اللى و اللى ... ده حتى عمرو خالد كان مرة اتكلم فى حلقة و جاب سيرة واحد مهندس معمارى .. جاله اعوجاج فى العمود الفقرى .. هو لازما و حتما يعنى أى حد يشتغل فى الشغلانة المنيلة دى يجيله كده ؟ حسبى الله و نعم الوكيل
klamk gamd bgd ya benty,w gh 3la elgar7 kaman D:
3LA FEKRA,ANA M3AKY FI NFS 7RKET ELKEFA7 :(,bs ana decore,bnt3aml mo3amla naw3an a7sn,bs brdh (s3d z3'lol 2al:mfish fayda D:)
rbna m3ana gami3an..:)
3la fekra..kalam gamd bgd D:
ana m3aky fi nfs 7rket elkefa7 D:,bs ana decore,mri7en 3nkm shwia:)
rbna m3ana yaaarb
Post a Comment